شاهد بالفيديو| حسب علم النفس هل يفضل الرجل المرأة النحيفة أم السمينة؟ تعرفوا على الاجابة

 رمضان علاقة حب بين ربنا وحبايبه

رمضان علاقة حب بين ربنا وحبايبه، نحاول كل يوم نعرف حاجة صغيرة تعرفنا وتقربنا من ربنا أكثر ومن تواصلنا مع ربنا سبحانه وتعالي.

 رمضان علاقة حب بين ربنا وحبايبه

{وَهُوَ مَعَكُمۡ أَیۡنَ مَا كُنتُمۡۚ}

 وَنَحۡنُ أَقۡرَبُ إِلَیۡهِ مِنۡ حَبۡلِ ٱلۡوَرِیدِ }

{وَإِذَا سَأَلَكَ عِبَادِی عَنِّی فَإِنِّی قَرِیبٌۖ}

 {فَأَیۡنَمَا تُوَلُّوا۟ فَثَمَّ وَجۡهُ ٱللَّهِۚ}

ربنا دايما بيطمنا بوجوده معانا🙏

فيه حاجة مهم جدا إننا نستشعرها وهي

"المعية الربانية" 😊💜

ربنا سبحانه وتعالي هو خالق الكون والمخلوقات

و كل حاجة ربنا خلقها لازم هيظهر لنا فيها من صفاته

الله هو خالقها ،فأودع لنا فيها من صفاته. أودع لنا فيها الرزق و الحب والرحمة و الجمال والونس،

ف دايما تشوف آثار الصفات دي حواليك في كل مكان و في كل حاجة وفي كل شخص،

آثار الصفات دي بتكون زي رسايل ربنا لينا ، ربنا بيعرفنا علي صفاته من خلالها و بيبين لنا فيها حبه ووده ورحمته، وبيطمنا بيها🤗

وكأن ربنا بيكلمنا عن طريقها🌸

ربنا سبحانه وتعالي هو مصدر الجمال والرحمة و الحب والسلام في الكون

فأي حب ورحمة تلاقيها في خلق الله هي من الله ، وأي حب ورحمة توصلك فهي من ربنا ليك مخصوص وبالذات😊🙏 أرسلها لك عن طريقهم علشان هي رزقك منه، وعلشان توصلك و تبسطك💓

محتاجين نحاول نشوف ونحس المعية الربانية دي في حياتنا أكثر وأكثر ، عن طريق إننا نتفكر في المواقف الي بتحصل معانا يوميا ،

ونرجع كل صفة حلوة لأصلها ومصدرها الي هي صفة الله في الأصل🌷💜

الكلمات المفتاحية :