خواطر.....تردد الراديو
تردد الراديو
ازاي نستقبل الحاجة الي محتاجينها؟ ازاي نحس بالحاجات الي حوالينا؟
Why cannot people see the good things infront of them?
Because they're always "searching" not "receiving
لما بتقرر تعيش حياة الإحسان ،وتشوف ربنا في كل حاجة دا بيخليك قادر (تستقبل) الجمال في كل حاجة
زي بالظبط قنوات الراديو، لازم نظبط التردد بتاع القناة علشان الراديو يستقبلها
محتاجين نعمل كدا في حياتنا
في حاجات بتكون دايما متوفرة وموجودة بوفرة ولكن إحنا الي مش ظابطين التردد بتاعها فبالتالي عمرنا ما هنحس بيها،
ونفس الفكرة، في حاجة إسمها (التعرض والإستقبال)
لما نتعرض لرحمة ربنا ، هنستقبل من شلال الرحمة
{كَتَبَ رَبُّكُمۡ عَلَىٰ نَفۡسِهِ ٱلرَّحۡمَةَ}
لما نتعرض لحب ربنا، هنستقبل من شلال الحب
{یُحِبُّهُمۡ وَیُحِبُّونَهُۥ}
لما نتعرض لله الرزاق، هنستقبل رزق الله المادي والمعنوي الي بيمده لينا طول الوقت وبدون توقف
لما نتعرض لله القريب، هنستقبل القرب ونحس بقرب ربنا لينا
وهكذا في كل أسماء و صفات الله
{وَلِلَّهِ ٱلۡأَسۡمَاۤءُ ٱلۡحُسۡنَىٰ فَٱدۡعُوهُ بِهَاۖ}
أسماء الله وصفاته دايما موجودة وثابتة ومستمرة ⛆ ،ولكن إحنا الي مش بنحس بيها دايما،
ربنا دايما معانا ،{وَهُوَ مَعَكُمۡ أَیۡنَ مَا كُنتُمۡۚ}
ولكن إحنا ال محتاجين نحس المعية دي
الإستقبال هو إن الواحد يركز أنه يشوف أو يسمع حاجة كانت موجودة أصلا بس هو مش مدرك وجودها وظابط ترددها مع حواسه ومش بيتعرض لها بوعاء قلبه.
تعليقات
إرسال تعليق
نتشرف بتعليقاتكم على مجلتنا